Міжнародны дзень роднай мовы
21.02.2024Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія — мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. Вельмі важна шанаваць і вывучаць мову свайго народа.
Да гэтага дня ва ўстанове адукацыі прайшла гульня-падарожжа «Ці ведаеш ты сваю мову?»
Удзельнікі мерапрыемства з задавальненнем “рабілі прыпынкі”, на якіх адказвалі на пытанні, разгадвалі рэбусы, падбіралі сінонімы да слоў, перакладалі словы на беларускую мову, у словах шукалі новыя словы.
Усім прысутным пажадалі: “Няхай у вас, шаноўныя сябры, часцей з’яўляецца жаданне думаць па-беларуску. Спазнавайце яе, вучыце і размаўляйце па-беларуску самі і разам з намі”.
Каб белы свет не здаўся вузкім,
Каб годна жыць паміж людзей,
Любіце мову беларуску,
Любіце з кожным днём мацней.
Яна – жыцця першааснова,
Яна стагоддзяў зорны дым.
Калі забудзем, згубім мову,
Што скажам праўнукам сваім?